Amharic news

  • የባህርዳር ህዝብ አደባባይ በመውጣት ተቃውሞውን በማሰማት ላይ ነው

    የባህርዳር ህዝብ አደባባይ በመውጣት ተቃውሞውን በማሰማት ላይ ነው

    19 בDecember 2014 | 0 Comments | More

    የባህርዳር ህዝብ አደባባይ በመውጣት ተቃውሞውን በማሰማት ላይ ነው ባህርዳር ከተማ ውስጥ 04 ቀበሌ እየተባለ የሚጠራው አካባቢ የሚገኘውን የጥምቀት ታቦት ማደሪያ ለባለሀብት ይሰጣል መባሉን ተከትሎ ህዝቡ አደባባይ ወጥቶ ተቃውሞውን በማሰማት ላይ መሆኑን የነገረ ኢትዮጵያ ምንጮች ገለጸዋል፡፡ ምንጮቹ እንደገለጹት እጅግ በርካታ ህዝብ አደባባይ የወጣ ሲሆን፣ ሰልፈኞቹ በእምነታቸው እየተደረገባቸው የሚገኙትን ጣልቃ ገብነቶችና ሌሎቹንም ስርዓቱ እየፈጠራቸው የሚገኙትን ችግሮች የሚቃወሙ […]

  • የሃና ላላንጎ ጉዳይ በዝግ ችሎት ታየ

    የሃና ላላንጎ ጉዳይ በዝግ ችሎት ታየ

    3 בDecember 2014 | 0 Comments | More

    ቤተሰቦቿ ሐኪሞችንና ፖሊሶችን ወቀሱ ሃና ላላንጎ የተባለችውን ተማሪ በሚኒባስ ታክሲ አፍነው በመውሰድ፣ በቡድን በመድፈርና ሕይወቷ እንዲያልፍ አድርገዋል በሚል ተጠርጥረው በእስር ላይ የሚገኙትን አምስት ተጠርጣሪዎች የፍርድ ቤት ጉዳይ በዝግ ችሎት መታየት ጀመረ፡፡ ተጠርጣሪዎቹ ለሦስተኛ ጊዜ ኅዳር 22 ቀን 2007 ዓ.ም. በአዲስ አበባ ከተማ አስተዳደር ፍርድ ቤት፣ ቂርቆስ ምድብ ችሎት የቀረቡ ሲሆን፣ ፖሊስ ቀደም ባለው ቀጠሮ እንደሚሠራቸው […]

  • በአለፈው ዓመት በ­22.11. 2013 የነበረው የተቃውሞ ሰልፍ፣ እና..ለ­“IETV” ያመጣው የክስ መዘዝ

    በአለፈው ዓመት በ­22.11. 2013 የነበረው የተቃውሞ ሰልፍ፣ እና..ለ­“IETV” ያመጣው የክስ መዘዝ

    1 בDecember 2014 | 0 Comments | More

    ክሊክ ሃበሽ-በአለፈው ዓመት በ­22.11. 2013 የነበረው የተቃውሞ ሰልፍ፣ እና……………..ለ­“IETV” ያመጣው የክስ መዘዝ፣……….. የዛሬ ዓመት ኖቨምበር 22 ቀን 2013 ነበር፤ ቴል አቪቭ ከሚገኘው ኢትዮጵያ ኤምባሲ ጽ/ቤት ፊት ለፊት ኢትዮ­ይሁዳያንና ኢትዮጵያውያን በሳዑዲ ዓረቢያ በወገኖቻችን ላይ የሚደርሰውን ግፍና መከራ፣ ሞተና የሴቶች መደፈር፣ ሰቃይና ሰቆቃ የወያኔ/ኅውሃት ገዥውና እምባገነኑ መንግሥት ችላ ብሎታል ብሎ በመቆርቆርና በመበሳጨት የተቃውሞ ሰላማዊ ሰልፍ አካሂደው እንደነበር […]

  • የሃና መደፈርም ሆነ ሞት የሀራችንን ማኅበራዊ ስብዕና ዝቅጠትን የሚያመላክት ጠባብ መስኮት ነው!!

    የሃና መደፈርም ሆነ ሞት የሀራችንን ማኅበራዊ ስብዕና ዝቅጠትን የሚያመላክት ጠባብ መስኮት ነው!!

    20 בNovember 2014 | 0 Comments | More

    ብዙዎች በሰማነው ነገር አዝነናል፣ አፍረናል፣ ተበሳጭተናል፡፡ የተበሳጨነው ሃናን ስምናውቃት አይደለም፤ ግን ሃና ሰው ስለሆነች ነው፡፡ ለሃና የጨለመች ፍትህ ነግ በኛ ላይ አብልጣ ዳፍንት እንደምትሆን ስለምንረዳ ነው፡፡ ከዚህ ቀደምም የዚህ አይነት ዘግናኝ ወንጀሎችን ሰምተን እንዲሁ ገንፍለን ነበር፡፡ ግን ምን ለወጥን? ምን አመጣን? እስከመቼስ በጊዜያዊ ስሜት ስንንጫጫ እንኖራለን?እንደኔ እዚህ ዝቅጠት ላይ ያደረሰን ማኅበራዊ የስብዕና ዝቅጠታችን ውጤት ነው […]

  • ከአለማችን አንደኛው ደሃ ፕሬዝደንት

    ከአለማችን አንደኛው ደሃ ፕሬዝደንት

    10 בNovember 2014 | 0 Comments | More

    በዛ …አሁንስ በዛ !! (አሌክስ አብርሃም ) የኡራጓዩ ፕሬዝደንት ጆስ ሙጅካ ‹‹ከአለማችን አንደኛው ደሃ ፕሬዝደንት›› በሚል ስም ነው የሚታወቁት ….ታዲያ ይህ ሰው ደግ ናቸው ለድሆችም ገንዘብ ይረዳሉ …. ሲታመሙ የህዝብ ጤና ጣቢያ ተራ ጠብቀው ይታከማሉ ….መኪና ራሱ ያለቻቸው ቮልስ ነበረች ! እኔ የምለው ደግነት ጥሩ ነው …ግን እንደአንድ አገር መሪ ሙስናውና ዘራፊነቱን ከተውት ይሄን ያህል […]

  • ፌስቡክ፤ መረጃዎችን አሳልፌ እንድሰጣቸው የሚጠይቁኝ መንግስታት በዝተዋል አለ

    ፌስቡክ፤ መረጃዎችን አሳልፌ እንድሰጣቸው የሚጠይቁኝ መንግስታት በዝተዋል አለ

    10 בNovember 2014 | 0 Comments | More

    ታዋቂው የማህበራዊ ድረገጽ ፌስቡክ ከተለያዩ የአለማችን አገራት መንግስታት የተጠቃሚዎቹን የግል መረጃዎች አሳልፎ እንዲሰጣቸው የሚያቀርቡለት ጥያቄዎች ቁጥር እየጨመረ መምጣቱን አስታወቀ፡፡ከተለያዩ የአለም አገራት መንግስታት የሚቀርቡለት ተመሳሳይ ጥያቄዎች ባለፉት ስድስት ወራት በ25 በመቶ እንደጨመ በድረገጹ ላይ የገለጸው ፌስቡክ፣ በዚህ ጊዜ ውስጥ 34 ሺህ 946 የመረጃ ጥያቄዎች እንደቀረቡለት አስታውቋል፡፡ ድረገጹ እንዳለው፤ የተለያዩ አገራት መንግስታት በፌስቡክ ተጠቃሚዎች ላይ በተለያዩ ምክንያቶች […]

  • የአጤ ቴዎድሮስ መድፍ 1868 ዓም

    የአጤ ቴዎድሮስ መድፍ 1868 ዓም

    10 בNovember 2014 | 0 Comments | More

    ይህ ከዚህ ጽሁፍ ጋር አያይዤ የለጠፍኩት የአጤ ቴዎድሮስ መድፍ በምን አይነት መንገድ እየተጎተተ እና እየተገፋ መቅደላ ኮርበታ ላይ እንደተሰቀለ የሚገልጽ የእጅ ንድፍ የፈጠራ ስራ አይደለም, የምስል መቅረጫ መገልገያ ብርቅ በነበረበት እንደ ከዋክብት በራቀው ትውልድ በመቅደላ ግርግር መኃል የነበረ በጎ ሰው አባ ርዞ የተባለ የፖርቹጋሌ ቄስ በታሪክ ፊት ቆሞ በሰጠው የአይን ምስክርነት ተመርተው የምዕራባውያን ነዳፊወች የተነደፉት […]

“የነብርን ጅራት አይዙም ከያዙም አይለቁም “

| 6 בJanuary 2012 | 0 Comments

በጽንሰ ሐሳብ ደረጃ በአንድ ዲሞክራሲያዊ አገር ከሕግ በላይ ምንም ነገር አይታሰብም፡፡

ሕግ የአንድን አገር ዕድገትም ሆነ ውድቀት ሊወስን ይችላል፡፡ በሥልጣን ላይ ያለው አካል አመለካከትም ሆነ ውሳኔ ከሕግ በታች እንደሆነ ሕገ መንግሥቱ ራሱ ካስቀመጠው ‹‹የሕግ የበላይነት›› ሐረግ በላይ ገላጭ አይኖርም፡፡ አንድ አገር የሌላውን አገር የሕግ የበላይነት እንዲያከብርም አገሮች በግልጽም ሆነ በውስጠ አዋቂነት ስምምነት አላቸው፡፡ የሁለት ወይም ከዚያ በላይ አገሮች ግንኙነትና ትብብር ግን በእያንዳንዱ አገር የግዛት ክልል የበላይ ከሆነው ሕግ ውጭ የሚታይ ነው፡፡ ከሕግ ይልቅ በፖለቲካ በተቃኘው በዓለም አቀፍ ግንኙነትና ዲፕሎማሲ መርህም ይዳኛል፤ ይወሰናል፡፡ በቅርቡ በኢትዮጵያ ፍርድ ቤት የእስር ቅጣት የተወሰነባቸው ስዊድናዊያን ጋዜጠኞች ጉዳይ በዚህ መነጽር ሲታይ ምን ዓይነት ፖለቲካዊ ተፅዕኖ ያሳድር ይሆን?

በኢትዮጵያ መንግሥት በአሸባሪነት ለተፈረጀው የኦጋዴን ብሔራዊ ነፃነት ግንባር (ኦብነግ) ድጋፍ ለማድረግ የአገሪቱን ሉዓላዊነት በመጣስ አገር ውስጥ በመግባት ክስ በተመሠረተባቸው ስዊድናዊያን ጋዜጠኞች ማርቲን ከርል ሽብዬና ጆሃን ካርል ፐርሰን ላይ የፌዴራል ከፍተኛ ፍርድ ቤት ሦስተኛ ወንጀል ችሎት በእያንዳንዳቸው የአሥራ አንድ ዓመት እስር ቅጣት ወስኖባቸዋል፡፡ አንዳንድ የፖለቲካ ተንታኞች በቋፍ ላይ የነበረውን የሁለቱን አገሮች ግንኙነት እንዲቋረጥ ምክንያት ሊሆን ይችላል የሚል ስጋት ያላቸው ሲሆን፣ ሌሎቹ በበኩላቸው በምህረትና በድርድር ጋዜጠኞቹ ሊፈቱ ይችላሉ የሚል መላምቶችን ይሰነዝራሉ፡፡ ጉዳዩ ምንም የፖለቲካ መልክ እንደሌለው የሚገልጸው የኢትዮጵያ መንግሥት ግን፣ በሁለቱ ጋዜጠኞች ላይ የተላለፈው ውሳኔ በአገሮቹ ግንኙነት ላይ ምንም ዓይነት አሉታዊ ተፅዕኖ እንደማይፈጥር ያስረዳል፡፡

‹‹ጉዳዩ በግልጽ ፖለቲካዊ ነው››
በመንግሥት አሸባሪ ተብሎ ለተፈረጀው ኦብነግ ድጋፍ ሲያደርጉ በቁጥጥር ሥር መዋላቸውን ፍርድ ቤት ማረጋገጡን ይገልጻል፡፡ ጋዜጠኞቹ ለፍርድ ቤት በሰጡት ምላሽ እንደተናገሩት፣ ወደ አካባቢው የተንቀሳቀሱበት ምክንያት በኦጋዴን ግዛት በነዳጅ ፍለጋ የተሰማራውን ሉንዲን ፔትሮሊየም የተባለውን ኩባንያ እንቅስቃሴ ለመመርመር ነው፡፡ ሉንዲን ፔትሮሊየም የሉንዳን ኦይል ፕሮጀክት ተረክቦ እየሠራ ሲሆን፣ ኩባንያው በሱዳን የነዳጅ ፍለጋ እንቅስቃሴው እ.ኤ.አ. ከ1997 እስከ በ2003 በአካባቢው የጦር ወንጀለኝነት ድርጊት የፈጸመ መሆኑን የአውሮፓ የነዳጅ ፍለጋ ማኅበር ይወነጅላል፡፡

ከዚህ ጋር በተያያዘ ሁለት ጉዳዮች ይነሳሉ፡፡ አንደኛው፣ የስዊድን ዓቃቤ ሕግ ባለሥልጣን በጉዳዩ ላይ እ.ኤ.አ. ከ2010 ጀምሮ የማጣራት ሥራ እያካሄደ ይገኛል፡፡ ሁለተኛው፣ በጋዜጠኞቹ ላይ በተሰጠው የፍርድ ቤት ውሳኔ ላይ ተቃውሞአቸውን እያሰሙ ያሉት የስዊድን የውጭ ጉዳይ ሚኒስትር ካርል ቢልደት፣ ሁለቱም ኩባንያዎች የቦርድ አባል ናቸው፡፡ በኦጋዴንና በዳርፉር በነዳጅ ፍለጋ ከተሰማሩ ከእነዚህ ኩባንያዎች ጋር ያላቸው ትስስርም የጥቅም ግጭት እንደሚፈጥር አንዳንድ የአገሪቱ ጋዜጦች እየገለጹ ይገኛሉ፡፡

የጋዜጠኞቹ ጉዳይ በስዊድን አገር ከፍተኛ ቁጣ መቀስቀሱን ሮይተርስ ከአካባቢው ዘግቧል፡፡ በርካታ የአገሪቱ ጋዜጦች ዘገባውን በፊት ለፊት ገጻቸው ይዘውት የወጡ ሲሆን፣ በተለይ ለቬንስካ ዳግብላደት፣ ‹‹Free Johan Persson and Martin Schibbye›› በሚል በዋና ዓምዱ ላይ በትልልቅ ፊደላት ጽፏል፡፡ ‹‹ጉዳዩ በግልጽ ፖለቲካዊ ነው፤ ስዊድንም በፖለቲካ ደረጃ ጠንክራና ግልጽ በሆነ መንገድ መንቀሳቀስ አለባት፤›› ይላል ጋዜጣው፡፡ ዳገንስ ኒህተር የተባለው ሌላ ዕለታዊ ጋዜጣ፣ በጉዳዩ ላይ ሰፊ ዘገባ ይዞ የወጣ ሲሆን፣ ጋዜጠኞችን ለማስፈታት መንግሥት ከፍተኛ ዲፕሎማሲያዊና የፖለቲካ ትግል እንዲያደርግ ጠይቋል፡፡ ጋዜጣው አያይዞም፣ ይኼኛው የዲፕሎማሲ ጥረት የማይሳካ ከሆነ፣ ‹‹ጉዳዩ በስዊድንና በኢትዮጵያ ግንኙነት ላይ የሚያስከትለው አደጋ ሊኖር ይገባል፡፡ በተለይ ደግሞ ስዊድንና አውሮፓ ለኢትዮጵያ የሚሰጡትን ዕርዳታ ለማቆም የራሱን ጫና ያሳድራል፤›› ሲል ፖለቲካዊ አንደምታውን አትቷል፡፡

ስዊድን ሲዳ ተብሎ በሚታወቀው የዕርዳታ ድርጅት በኢትዮጵያ በተለያዩ የልማት እንቅስቃሴዎች ላይ የምትሳተፍ ስትሆን፣ በኢትዮጵያ የዲሞክራሲና የሰብዓዊ መብቶች ጉዳዮችን ለመደገፍ በየዓመቱ ከ21 ሚሊዮን ዶላር በላይ የሚገመት ዕርዳታ ትሰጣለች፡፡ ዘንድሮ በአፍሪካ ቀንድ ለተከሰተው ረሃብ (ድርቅ) ወደ 120 ሚሊዮን ዶላር የሚጠጋ ገንዘብ የለገሰች ሲሆን፣ ኢትዮጵያ ከዚህም ተጠቃሚ ሆናለች፡፡

ስቶክሆልም የተቃውሞ መናኸርያ?

ምህረት ከተደረገላቸው የቀድሞው ቅንጅት አመራሮች መካከል አንዷ የሆኑት ወ/ሪት ብርቱካን ሚደቅሳ፣ ‹‹ከእስር የተለቀቅነው እናንተ በመንግሥት ላይ ባሳደራችሁት ጫና ነው፤›› ብለው የተናገሩት ስዊድን ከሚኖሩ ኢትዮጵያውያን ጋር በተወያዩበት ወቅት ነበር፡፡ ኢትዮጵያዊያንና ኤርትራዊያን በብዛት ከሚገኙባቸው የአውሮፓ አገሮች መካከል አንዷ ስዊድን ነች፡፡

በስዊድናውያኑ ጋዜጠኞቹ ላይ የእስር ውሳኔ መተላለፉን ተከትሎ ደግሞ፣ በርከት ያሉ ኢትዮጵያውያንን ያካተተ ሠልፍ በኢትየጵያ ቆንስላ ጽሕፈት ቤት ተደርጓል፡፡ የኢትዮጵያንና የስዊድንን ባንዲራ ይዘውም ጋዜጠኞችና ሌሎች ኢትዮጵያዊያን የፖለቲካ እስረኞች እንዲፈቱ ጠይቀዋል፡፡

ከቅርብ ጊዜ ወዲህ የኢትዮጵያ መንግሥት በስዊድን መንግሥት ላይ መልካም አመለካከት የሌለው መሆኑን አንዳንድ የፖለቲካ ተንታኞች ይገልጻሉ፡፡ የኢትዮጵያ ተቃዋሚዎችና አማፂዎች በብዛት ድጋፍ የሚያገኙት ከዚህችው አገር ነው ብሎ መንግሥት እንደሚያምንም እነዚሁ ታዛቢዎች ያስረዳሉ፡፡ ባለፈው ዓመት መንግሥት በስዊድን ያለውን የኢትዮጵያ ኤምባሲ ወደ ቆንስላ ዝቅ አድርጐ የኢትዮጵያን አምባሳደር በጠራበት ወቅት፣ ጉዳዩን በማስመልከት ጥያቄ የቀረበላቸው ጠቅላይ ሚኒስትር መለስ ዜናዊ፣ ‹‹ስዊድን ብዙም ወሳኝ የሆነ የፖለቲካና የኢኮኖሚ ዲፕሎማሲ ማድረግ የሚጠበቅብን አገር አይደለችም፡፡ ከአገሪቱ የምናገኘው ዕርዳታም እዚህ ግባ የሚባል አይደለም፡፡ ይልቁንስ ብዙ ጥቅም የምናገኝበትና በዕድገት ላይ የሚገኙት እንደ ብራዚል ወደመሳሰሉ አገሮች ፊታችንን ማዞር አለብን፤›› የሚል አስተያየት ነበር የሰጡት፡፡

አንዳንድ የፖለቲካ ተንታኞች እንደሚሉት፣ ይህ የኢትዮጵያ መንግሥት ውሳኔ በሁለቱም መንግሥታት መካከል ያለውን ግንኙነት ከጊዜ ወደ ጊዜ ማሻከሩን ያመላክታል፡፡ ሮይተርስ ያነጋገራቸው ስማቸው ያልተጠቀሰ አንድ የምዕራባዊያን ከፍተኛ ዲፕሎማት፣ ነገሩን እንዲህ ሲሉ ግልጽ አድርገውታል፡፡ ‹‹የአዲስ አበባ ባለሥልጣናት ስቶክሆልም ለኢትዮጵያ ተቃዋሚዎች ድጋፍ ትቸራለች የሚል እምነት አላቸው፤›› በማለት በጋዜጠኞቹ ላይ የተወሰደው ዕርምጃና ቅጣት የዚሁ ውጤት መሆኑን አመልክተዋል፡፡ የፍትሕ ሚኒስቴር ቃል አቀባይ አቶ ደሳለኝ ደዴሳ ግን ለዚህ ምላሽ ሲሰጡ፣ ‹‹በግልጽ በፍርድ ቤት ሒደት በዓቃቤ ሕግ ተከራካሪዎች ማስረጃ ቀርቦባቸው፣ እነሱም በሕገወጥ መንገድ ወደ አገር መግባታቸውን አምነው ሳለ እንዴት የፖለቲካ ዓላማ አለው ይባላል?›› ሲሉ ውንጀላውን ያስተባብላሉ፡፡ በተመሳሳይ መንገድ የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ለመንግሥት ሚዲያ በሰጡት አስተያየት፣ ጉዳዩ የግለሰቦች የሕግ ጉዳይ ከመሆኑ ውጭ ምንም ዓይነት የፖለቲካ ትርጉም የሚሰጠው እንዳልሆነ ተናግረዋል፡፡

የስዊድን መንግሥት በአሜሪካና በአውሮፓ ኅብረት አማካይነት ጋዜጠኞቹን ለማስፈታት ጥረት እያደረገ መሆኑም ታውቋል፡፡ ጋዜጠኞቹ በምህረት ሊፈቱ የሚችሉበት አጋጣሚ አለ ቢባልም፣ እስካሁን ይቅርታ ለመጠየቅ ስለመዘጋጀታቸው የተገኘ ፍንጭ የለም፡፡ የይግባኝ ጥያቄ ያቀረቡት የጋዜጠኞቹ ጠበቆች፣ ‹‹ምህረትን ከመጠየቅ ጋር በተያያዘ ምንም ዓይነት ንግግር አልተደረገም፤›› ብለዋል፡፡ ይቅርታ ለመጠየቅም ጥፋቱን መፈጸማቸውን ማመን የሚጠበቅባቸው ይሆናል፡፡

በኢትዮጵያ የሰብዓዊ መብት አያያዝ ላይ ጠንከር ያለ ትችት የሚሰነዝሩት አውሮፓ ኅብረትና አሜሪካ የጋዜጠኞቹ ጉዳይ እንደሚያሳስባቸው ከወዲሁ እየገለጹ ሲሆን፣ በጉዳዩ ላይ ከስዊድን መንግሥት ጋር እየተነጋገሩ መሆናቸውን ሚድያዎች ዘግበዋል፡፡

አምነስቲ ኢንተርናሽናል፣ የጋዜጠኞች ዓለም አቀፍ ፌዴሬሽን (IFJ) እና ድንበር የለሽ የጋዜጠኞች ቡድንን የመሳሰሉ ዓለም አቀፍ የሰብዓዊ መብት ተሟጋች ድርጅቶች በበኩላቸው፣ ‹‹መንግሥት ጋዜጠኞቹን ያለአንዳች ቅድመ ሁኔታ እንዲፈታ፤›› በማለት አሳስበዋል፡፡

ኦብነግና ስዊድናዊያኑ ጋዜጠኞች

ሪፖርተር ማርቲን ሽብዬና ፎቶግራፈር ጃሃን ፐርሰን ኦጋዴን ተብሎ በሚጠራው የኢትዮጵያ ሶማሌ ክልል ግዛት የተያዙት ባለፈው ሐምሌ ወር ውስጥ ነው፡፡

የኦጋዴን አካባቢ ከቅርብ ጊዜ ወዲህ የኢትዮጵያ መንግሥት ከአንዳንድ የውጭ ኩባንያዎች ጋር በመተባበር የነዳጅ ፍለጋ የሚያካሂድበት ቦታ ነው፡፡ ኦጋዴንን ለማስገንጠል የትጥቅ ትግል በማድረግ ላይ የሚገኘው ኦብነግ በነዳጅ ፍለጋ ላይ በተሰማሩ የውጭ ኩባንያዎች ላይ ዕርምጃ እንደሚወስድ በተደጋጋሚ ሲያስጠነቅቅ ቆይቷል፡፡ የኢትዮጵያ መንግሥት በአሸባሪነት የፈረጀው ይኼው ድርጅት በአካባቢው የነዳጅ ፍለጋ ተግባር ላይ ተሰማርቶ በነበረው አንድ የቻይና ኩባንያ ላይ እ.ኤ.አ. በ2006 ጥቃት ፈጽሞ ነበር፡፡ በጥቃቱም ከ70 በላይ ኢትዮጵያዊያንና ስምንት ቻይናውያን ንፁኃን ዜጎች (ሠራተኞች) ተገድለዋል፡፡ ጠቅላይ ሚኒስትር መለስ በወቅቱ ድርጊቱን ‹‹የጅምላ ጭፍጨፋ›› ነው በማለት ያወገዙት ሲሆን፣ ጥቃቱን ተከትሎም መንግሥት የመልሶ ማጥቃት ዘመቻ አካሂዷል፡፡

በዚሁ የመልሶ ማጥቃት ዘመቻም በድርጅቱ ላይ ከፍተኛ ጥቃት የተፈጸመበት ሲሆን፣ በጦርነቱ ምክንያት በበርካታ ንፁኃን ዜጎች ላይ ጉዳት የደረሰ መሆኑን በወቅቱ የወጡ የተለያዩ ዘገባዎች አመልክተዋል፡፡ ስቴት ዲፓርትመንት፣ አምነስቲ ኢንተርናሽናልና ሂውማን ራይትስ ዎችም በኢትዮጵያ መንግሥት ከፍተኛ የሰብዓዊ መብት ጥሰት የተፈጸመ መሆኑን ለዓለም ሕዝብ የነገሩ ሲሆን፣ የኢትዮጵያ መንግሥትም ይህንን ‹‹ውንጀላ›› ለማስተባበል ዶክመንተሪ ፊልም አዘጋጅቶ በኢትዮጵያ ቴሌቪዥን አስተላልፏል፡፡ በኢትዮጵያ መንግሥት ተፈጸሙ ተብለው የቀረቡ ጥሰቶችም፣ ከፊሎቹ በራሱ በአማፂው ቡድን፣ ከፊሎቹ ደግሞ በድርጅቱ የተፈበረኩ ውንጀላዎች መሆናቸውን ለዓለም ሕዝብ አሳውቋል፡፡

በተፈጸመበት ጥቃት ሙሉ ለሙሉ ያልፈራረሰው ኦብነግ ግን፣ በአካባቢው እንቅስቃሴውን አላቆመም፡፡ በመሆኑም በመንግሥትና በአማፂው ቡድን ኃይሎች መካከል በሚፈጠረው ጦርነት ምክንያት አካባቢው የተረጋጋ ደኅንነት ኖሮት አያውቅም፡፡ በዚህም ምክንያት ነበር መንግሥት ማናቸውም የውጭ ጋዜጠኞችም ሆኑ የዕርዳታ ሠራተኞች መንግሥትን ሳያውቁ ወደ አካባቢው እንዳይጓዙ የከለከለው፡፡

ይህንን የኢትዮጵያ መንግሥት እግድ በማወቅም ይሁን ባለማወቅ ኦጋዴን ክልል ውስጥ ከኦብነግ ታጣቂዎች ጋር ገብተው የተያዙት ሁለቱ የስዊድን ጋዜጠኞች፣ ጋዜጠኝነታቸውን እንደ ሽፋን በመጠቀም ሽብርተኝነትን በመደገፍ ሲንቀሳቀሱ መቆየታቸውን አረጋግጫለሁ ያለው የኢትዮጵያ የፌዴራል ከፍተኛ ፍርድ ቤት የእስር ቅጣት ወስኖባቸዋል፡፡ ይህ የፍርድ ቤቱ ውሳኔ ተፈጻሚ ይሆናል ወይስ አይሆንም የሚለው የሰሞኑ መነጋገሪያ አጀንዳ ሆኗል፡፡ ውሳኔው ተፈጻሚ ከሆነ በሁለቱ አገሮች ግንኙነት ላይ ከፍተኛ አደጋ ሊያስከትል እንደሚችል የፖለቲካ ተንታኞች ይናገራሉ፡፡ ስዊድን በአገር ደረጃ ብቻ ሳይሆን አባል የሆነችበት የአውሮፓ ኅብረት በኢትዮጵያ ላይ ጫና እንዲያሳድር ከአሁኑ እንቅስቃሴ መጀመሯንም ዘገባዎች ያመለክታሉ፡፡ ለውዝግቡ መነሻ የሆኑት የሁለቱ ጋዜጠኞች ዕጣ ፈንታ ምን ይሆን? የሁለቱ አገሮች ግንኙነትስ ወዴት ያመራ ይሆን?

source: reporter

Tags: ,

Category: AMHARIC NEWS

About the Author (Author Profile)

Comments (0)

Trackback URL | Comments RSS Feed

There are no comments yet. Why not be the first to speak your mind.

Leave a Reply